Climeworks er leiðandi á heimsvísu í kolefnisföngun í lofti (e. DAC – Direct air capture). Í Jarðhitagarðinum fékk Climeworks tækifæri til að prófa og þróa tækni sína og komið henni þangað sem hún er í dag. Jarðhitagarðurinn er heimili tveggja lofthreinsistöðva, Orca og Mammoth, þar sem koldíoxíð er fangað úr andrúmsloftinu og dælt niður í jörðina í samvinnu við Carbfix.
VAXA Technologies er hátæknifyrirtæki sem sérhæfir sig í ræktun smáþörunga til framleiðslu fæðubótarefna og náttúrulegra litarefna. Fyrirtækið hefur þróast frá því að vera lítið sprotafyrirtæki með starfsemi í einum tilraunagámi í það að starfrækja margra fermetra verksmiðju í Jarðhitagarði.
GeoSilica nýtir einstakar jarðhitaauðlindir Íslands til að framleiða hreint og náttúrulegt kísilfæðubótarefni sem stuðlar að heilbrigðum liðum, beinum og húð.
Orka náttúrunnar er eini vetnisframleiðandi Íslands. Vetnisstöðin VON, sem staðsett er við Hellisheiðarvirkjun, hefur frá árinu 2020 framleitt vetni sem nýtt er í samgöngur.
Á Jarðhitasýningu ON í Hellisheiðarvirkjun gefst gestum kostur á að fræðast um jarðvarmaframleiðslu á Íslandi, um starfsemi Hellisheiðarvirkjunar og hvernig auðlindir svæðisins nýtast á ábyrgan hátt í Jarðhitagarði.
Carbfix er tæknilausn sem bindur koltvísýring í bergi á innan við tveimur árum. Aðferðin flýtir náttúrulegum ferlum í hvarfgjörnu basalti og veitir þannig örugga og varanlega bindingu með minni tilkostnaði en margar aðrar lausnir. Fyrirtækið hefur beitt tækninni allt frá árinu 2012 og er nú leiðandi á heimsvísu á sínu sviði.
Við bjóðum velkomin í samfélag Jarðhitagarðsins sjálfbærnimiðuð fyrirtæki, sprotafyrirtæki og nýsköpunarverkefni sem starfa til dæmis við orkuframleiðslu og orkunýtingu, landbúnað, þörungaeldi, líftækni, ferðaþjónustu, vistvæna efnisframeiðslu og þau sem leggja áherslu á heilsu og vellíðan.