VAXA Technologies, sem hóf starfsemi með tilraunir í skotti á bíl, er í dag leiðandi í sjálfbærri örþörungarækt.
Glóð – fyrirhuguð miðstöð nýsköpunar
Glóð verður miðpunktur nýsköpunar, rannsókna og samstarfs í Jarðhitagarðinum. Þar tengjast frumkvöðlar, sprotafyrirtæki háskólasamfélagið beint við auðlindir Hellisheiðarvirkjunar, stærstu jarðvarmavirkjunar Evrópu og skapa lausnir sem móta sjálfbæra framtíð.
Umhverfi sem styður við vöxt
Fyrirtæki í Jarðhitagarði hafa sýnt hvernig hægt er að vaxa og dafna á svæðinu.
Climeworks byrjaði með litla kolefnisföngunareiningu og rekur nú stærstu lofthreinsistöð heimsins.
Glóð mun styrkja þetta vaxtarumhverfi enn frekar, gera aðilum kleift að hefja vegferð sína fyrr og veita þeim aðstöðu og samfélag til að vaxa og dafna.
Einstök aðstaða á heimsvísu, hönnuð fyrir sveigjanleika og tengslamyndun
Aðstaðan mun bjóða upp á:
-
Aðalbyggingu
-
Rannsóknarstofu með grunntækjum
-
Sveigjanlegar skrifstofur og fundarherbergi
-
Sameiginleg vinnurými og kaffiaðstöðu sem hvetja til tengsla og samvinnu
-
Örlóðir með aðgengi að jarðvarmatengdum auðlindum
Frumhönnun liggur fyrir og stefnt er að uppbyggingu í tveimur áföngum: fyrst innviðir og örlóðir og síðan aðalbyggingin.
Blásum lífi í Glóðina
Við erum ekki bara að byggja hús – við erum að skapa samfélag.
Markmiðið með Glóð er að skapa öflugan vettvang þar sem nýsköpun, rannsóknir og samstarf dafna. Nú þegar hafa verið undirritaðar viljayfirlýsingar við öfluga aðila um þekkingarmiðlun og þróun sameiginlegra verkefna sem mikilvægt skref í því að byggja upp þetta samfélag.
Glóð – vettvangur nýsköpunar og samvinnu
Með áframhaldandi uppbyggingu Glóðar í samstarfi við háskóla, nýsköpunar- og þekkingarumhverfið leggjum við grunn að blómlegu og sjálfbæru nýsköpunarsamfélagi.
Viltu tendra Glóð?
Hafðu samband og taktu þátt í að móta þetta einstaka samfélag nýsköpunar og sjálfbærni.
Nýjustu fréttir af Glóð
Umhverfi sem styður við vöxt: sögur úr Jarðhitagarði
Climeworks og VAXA Technologies eru tvö framúrskarandi fyrirtæki sem eiga það sameiginlegt að hafa vaxið innan Jarðhitagarðs ON. Bæði kolefnisföngunarverksmiðja Climeworks og hátæknigróðurhús VAXA byrjuðu sem tilraunarverkefni í gömlu Tæknigörðum, aðstaða sem var við Hellisheiðarvirkjun þar sem frumkvöðlar fengu tækifæri til að þróa hugmyndir og framkvæma tilraunir með jarðvarmatengdum auðlindum. Í dag eru bæði fyrirtækin…Lesa meira
ON og LBHÍ undirrita viljayfirlýsingu um samstarf
Orka náttúrunnar og Landbúnaðarháskóli Íslands (LBHÍ) hafa undirritað viljayfirlýsingu um samstarf á sviði rannsókna og nýsköpunar. Markmiðið er að styrkja samvinnu í þágu sjálfbærrar auðlindanýtingar, umhverfisverndar og orkuskipta. Samstarfið tekur bæði til þróunar sameiginlegra verkefna og gagnkvæms stuðnings í verkefnum hvors aðila fyrir sig. Með þessu eru stigin mikilvæg skref til að efla rannsóknir og…Lesa meiraGlóð rís í Jarðhitagarði ON
Ný miðstöð nýsköpunar, samstarfs og þekkingarmiðlunar sem mun rísa í hjarta Jarðhitagarðs Orku náttúrunnar við Hellisheiðarvirkjun fær nafnið Glóð. Haldin var samkeppni um nafn hússins og voru úrslit keppninnar gerð opinber við hátíðlega athöfn í Hellisheiðarvirkjun á miðvikudag. Yfir 1300 tillögur að nafni bárust og endurspegluðu mörg nafnanna kjarnann sem nýtt húsnæði mun byggja á;…Lesa meira
Vertu með í Jarðhitagarði
Við bjóðum velkomin í samfélag Jarðhitagarðsins sjálfbærnimiðuð fyrirtæki, sprotafyrirtæki og nýsköpunarverkefni sem starfa til dæmis við orkuframleiðslu og orkunýtingu, landbúnað, þörungaeldi, líftækni, ferðaþjónustu, vistvæna efnisframeiðslu og þau sem leggja áherslu á heilsu og vellíðan.